MNF-in bial awl pathum pali la nei

Inthlanpui hmachhawn turin political party-te an
inbuatsaih mek a, mahse ZPM tih loh candidate tur tifel an la awm lo. Rorel lai MNF chuan bial awl pathum pali vel an la nei nia ngaih a ni.
MNF hian MLA 27 an nei mek a, an MLA neih lohna bial tam zawkah candidate tur an nei tawhah ngaih niin, bial awl la awmah pawh hian leng kual mek te chu an awm tho.
MLA an neih lohna Serchhip bialah J Malsawmzuala Vanchhawng a chiang a, West Tuipui biala ding turin Pravo Chakma, Lawngtlai West-ah B Zirsanga a chiang bawk.
MLA an neih lohna Aizawl South I-ah K Vanlalvena, Rajya Sabha MP a chiangah ngaih a ni a, MLA an neih lohna Palak bialah Congress MLA ni lai KT Rokhaw a chiangah ngaih a ni bawk.
MLA an neih lohna bial dang Hachheka Aizawl East II bialtu Robert Romawia Royte, minister a chiang tawh a, a chhuahsan tur bialah hian AMC executive corporator B Lalawmpuii a chiangah ngaih a ni.
RRR-a ang bawkin minister R Lalzirliana pawhin a bial |awi a chhuahsan dawn a, |awi-ah hian Aizawl mayor Lalrinenga Sailo a chiang tawh. R Lalzirliana hi MNF-in MLA an neih lohna Aizawl North I-ah a chiangah ngaih a ni. MLA an neih lohna Aizawl North II-ah Vanlalsawma a chiang tawh bawk.
MNF ticket-a thlan tlin Dr K Beichhua a chhuah avangin Siaha bial pawh MLA an neih lohna bial a ni ta a, hetah hian HC Lalmalsawma Zasai a chiang tawhah ngaih a ni. Thorangah Er Rohmingliana a chiangah ngaih a ni a, Tuichawngah DD Chakma a chiangah ngaih a ni.
MNF-in mutan an neihna chu Hrangturzo a ni a, a bialtu Lalchamliana, home minister a chiang em tih hriat a ni lo. Chalfilh bial a chiang lo bawk a, heng bial hnih hian ngaihven a hlawh hle.