Mizo National Front chuan 2023 November 13-a boral, November 15-a vuiliam tak, missionary Rev. Violet Louise Annie Mark (Pi Vaili) chu an sun a, an ui takzet tih an sawi.
MNF Gen. Hqrs. chuan Mizorama chanchintha hriltu hmasate zing ami, Siaha district Serkawr (Saikao) khua Rev. Violet Louise Annie Mark (Mizoten Pi Vaili kan tih) thihna chungchangah thuchhuah siamin, Mizoram chhung Mara chenna hmuna Sap missionary lut hmasa ber Rev. Reginald Arthur Lorraine tunu, Pi Vaili (85) chu kum 1977-a an mission a tawp hnuah pawh an ram lama haw duh loa, Mizoramah Lal Isua chanchintha hril chhunzawm zel a, a hun tawpa hmang chu Zofate thinlungah a dai ngai tawh dawn lo, tiin, hei vang hian Pi Vaili chu MNF chuan ngaihsanawm a tiin a ngaihlu em em a, a hnathawh ropui a ti a, thinlung takin a sun tih a sawi a ni.
MNF-in missionary thi sun
