Union minister hlui, AICC secretary Jairam Ramesh-a chuan MNF leh ZPM te chu BJP hmanrua tur niin a sawi a, BJP-in Mizote a pawng nek niin a sawi.He thu hi Zirtawpnia Aijal Club-a press conference a neihnaah Jairam Ramesh chuan a sawi.
“BJP hian Mizoramah hian thawhpui pahnih an nei thei. MNF hi kan hre sa a, ZPM pawh hian thawhpui an hnial lo a ni. ZPM hi pawl thar an ni a, an pawl kalphung te, an policy te-ah thil thar a awm lova, enchhin bak hi sawi tur an nei lo. Tun hi hun harsa a ni a, inenchhin hun a ni lo,” a ti.
“BJP hian mipui min \henhrang a, kan chungah an duh anga rorel an tum a ni. MNF leh ZPM hi chu BJP lo luhna hmanrua tur an ni. BJP hian Constitution Article 370 an nuaibo thei a nih chuan Article 371(G) pawh an nuaibo thei a ni tih kan hriat a ngai a ni. J&K inhung bikna Article 370 an nuaibo a, Nagaland chungchang pawh sawiho mek a ni a, keini hi kan him rei dawn lo. Kan inhungbikna hi hnawk an ti em em a ni,” a ti.
“BJP hian an tum chu ‘One Nation’ a ni a, keiniho pawh hi chu huangah chuan min telh an tum a ni. Diversity an tih, kan inunauna te hi tichhiatin a awm a, \awng khat min hmantir am tum a,” a ti bawk.
Kaladan Multi-Modal Transit Transport Project chungchang a sawi a, Congress party, Manmohan Singh-a sorkar project lian tak niin a sawi. Mahse Narendra Modi-a sorkarin a hlawkpui niin a sawi a, a nihna takah chuan a bul\antu leh ngaihtuahchhuaktu chu Congress sorkar a ni a, 2007 a\anga he project hi bul\an a ni, a ti.
MNF leh ZPM te BJP hmanrua tur niin sawi
