Mizo National Front chuan 2023 MLA inthlanpuia an party official candidate tur chu Nilaini khan Aizawlah an puang a, campaign an khuhhawng nghal.Candidate puangtu MNF president Zoramthanga chuan Pathian leh mipui zarah an sawrkar leh ngei a ring tih sawiin, MNF chu a din tirh atangin rinawm takin a dinna ngaiah kum 60 chuang nghet taka ding tlat a ni a, dinhmun sawhsawn ve mai mai ngai lo party a ni tih a sawi. Harsatna tam tak paltlanga Pathianin a lo hruaichhuah tawh MNF chu Mizoramin a tawh mek harsatna period atangin Pathianin a hruai chhuak dawn tih sawiin, malsawmna period-ah, hunin a finfiah tawh MNF party chu Mizoram hmasawnna nasa zawk thlentir turin Pathianin a sawrkar tir leh ngei dawn tih a sawi a ni.
MNF opponent lian ber Congress chu an term a tawp thawkhat tawh tih sawiin, “Artelukawn thei dinhmunah an awm mek,” a ti. ZPM party chu an elpui lian ber tur an ni ta nia sawiin, MNF party chuan bial 10 him saa ngaih theih tur a neih laiin, ZPM chu bial 30-a inthlan chuh tur ang lek an ni, tiin a sawi. “Candidate inchuh buai avangin an party an buai nasa hle,” a ti.
MNF senior vice president Tawnluia chuan an hruaitu Pu Zoramthanga an ring tawk tih sawiin, party dang sawrkar tum ang mai maiin leader hrang hrang an nei ve lo tih a sawi. MNF chu Mizote luah chin ram, hnam leh sakhaw himna tura huaisen taka hma la thin a nih thu leh Mizo hnamin harsatna a tawh apianga sawrkarna chang tura thlanawm ber party, dinna nghet tak nei a nih thu a sawi.
He hunah hian MNF Thalai-in ram leh hnam tana MNF pawimawhna hrang hrang essay inziahsiak leh reels insiamsiak an buatsaih lawmmam an semna a ni.
MNF OFFICIAL CANDIDATE
1. AIZAWL EAST I : ZORAMTHANGA
2. HACHHEK : ROBERT ROMAWIA ROYTE
3. DAMPA : LALRINTLUANGA SAILO
4. MAMIT : Er H LALZIRLIANA
5. TUIRIAL : K. LALDAWNGLIANA
6. KOLASIB : K. LALRINLIANA
7. SERLUI : LALRINSANGA RALTE
8. TUIVAWL : LALCHHANDAMA RALTE
9. CHALFILH : K LALHMANGAIHA
10. TAWI : LALRINENGA SAILO
11. AIZAWL NORTH I : R LALZIRLIANA
12. Aizawl North-II : VANLALSAWMA
13. AIZAWL NORTH III : C LALMUANPUIA
14. AIZAWL EAST II: B.LALAWMPUII
15. AIZAWL WEST I : ZOTHANTLUANGA
16. AIZAWL WEST II : LALRUATKIMA
17. AIZAWL WEST III : ER K LALSAWMVELA
18. AIZAWL SOUTH I : K VANLALVENA
19. AIZAWL SOUTH II : DENGHMINGTHANGA
20. AIZAWL SOUTH III : PROF. F LALNUNMAWIA