Mo tha tak nih theih dan

Pasal neih i tum hnai em? Chuti a nih chuan tih tur tam tak i nei a- thuam chhawm tur ngaihtuah leh inneih ni a lan nalh dan tur ngaihtuah!
Chubakah tu tute emaw hnen atangin mo tha tak ni tura thurawn pawh i dawng hnem ngawt ang. Mahse, tute mahin inneih hnua i awm dan tur te an hrilh tel kher chein a rinawm loh. Hei le, tlem a zawng chu kan rawn tarlang e:
1. Zaidam zir rawh. Mi thinchhe tak i nih pawhin zaidam hi chu zir ngei ngei rawh, chu chu mo tha ni tura pawimawh tak a ni. Mo thar hmel hlim sang reng mai chu hmuh a nuam a, i pasal mai bakah a chhungte pawhin hmuhnuam an ti ngei ang.
2. Inphah hnuai thiam a ngai. Mo chapo ar mai chu pasala chhung ten an ngaithei mang dawn hauh lo a nia. I pasal pawh zahthiam la, in pahnih chauha inawm lai emaw, mi zingah emaw zah thiam la, chutiangin a chhungte pawh. I tawngkam hman tur uluk la, ngaihtuah lawk lovin ri phawng phawng suh. I sawichhuah tawh chuan a lak let theih miah loh a nia.
3. Tawng tam la, titi seuh seuh rawh. Tawng tam tihah mi rel zawng leh mi chanchin chhe lam sawi a ni lo. I pasal leh a chhungte bulah pawh tawng la, titi ve seuh seuh rawh. Harsatna i neih pawhin i pasal chu tûm khum mai lovin tha takin hrilh rawh.
4. Pasal chuan a nupui chu amah tanpui a, amah hrethiam thin turin a beisei. I pasalin harsatna a tawhin tanpui theih dan tur ngaihtuah la, a thuthlukna i pawmpui chiah lo a nih pawhin hnial pang pang lovin tha taka sawi zawk tur a ni.
5. Engtik lai pawha pasal te bula awm reng tum kher loh tur. Room-a inkhunga tawmbo reng chin loh tur. I pasal chuan chhungte a nei a, chutiangin nang pawhin i nei, chu chu nunah an pawimawh em em tih hriat tur a ni a, chhungte ngaihtuah hman lek lova nangmah chauh ngaihtuah tura beisei tur a ni lo.