Mobile phone bo an chhui
chhuah sak hnenah hlan let
Lunglei District Police Cyber Cell-in CEIR (Central Equipment Identity Register) portal hmanga mobile phone bo/ ruk hmuh let 24, a hlutna Rs. 3,53,174 hu chu Nilaini khan a neitu diktakte hnenah an hlanlet.
Lunglei additional SP K Beihmotaosa chuan, Mizoram chhung leh pawnah mobile phone bo leh rukbo a tam a, Lunglei Cyber Cell chuan report an dawn tawh phawt chu CEIR portal kaltlangin a tam thei ang ber chhui chhuah sak zel an tum tih a sawi. Phone bo zawn chu thil hautak leh awlai lo tak a ni, tiin, a hlawhtlinna pawh CEIR portal tangkai leh awmze nei taka hman thin vang leh Cyber Cell staff-te thawhrimna vang a ni tih a sawi a ni.
Mobile phone hlui (secondhand) leitute fimkhur a ngai tih sawiin, ruk a nih ringhlel ru reng chunga man tlawm tak taka lo leisaktute emaw lo thleng saktute emaw chu an chungah dan anga hma lak a ni dawn tih a sawi a. Chutianga ti chu thubuai pawh an siamsak nual tawh tih a sawi a ni.
Lunglei Police Cyber Cell hian 2024 July 11-a din a nih atanga tun thlengin CEIR portal kaltlangin mobile phone bo leh rukbo 194 an hmuhlet sak tawh.
Mobile phone bo an chhui chhuah sak hnenah hlan let
