Modi-a’n a I-Day thuchahah
‘Naxal mi fingte’ a vau
Indian Prime Minister Narendra Modi-a chuan kum tam tak an beih hnuah an rama Maoist hel chu a nawlpui an tukdawl thu a sawi a, hetih rual hian an an duh dan leh ngaihdan thlawptute tihchimih an la hmabak tih a sawi.
Inrinnia an ram Independence Day an lawmnaah Modi-a chuan India chu ‘Naxal ralthuam keng pawl phurrit’ a kian tawh thu a sawi a. Maoist-ten an kalpui Naxalite movement hian an ram laili leh khawchhak lam ram zau tak a tuam thin a ni.
Hetih mek lai hian ‘dimagi Naxal’ (Naxal mi fing)-te chuan tharum thawhna siamna remchang an zawng reng tih a sawi a, ‘tute nge an nih leh man an tul’ tih a sawi.
‘Dimagi Naxal’ tih hi ‘urban Naxal’ tia leh theih a ni a, Modi-a leh BJP hruaitute chuan a hma pawhin activist, academic, mi fing leh an sorkar sawiseltute an sawi nan an lo hmang tawh thin.
Prime minister-in hetiang a sawi hi Modi-a sorkarin nawrna a tawn nat ber pakhat tling leh education minister a bân phahna, thalaite kaihhruai Cockroach Janta Party (CJP)-in lungawi lohna lantirna lian tak an huaihawt hnu lawkah a ni.
Modi-a hian thu a sawinaah hian lungawi loh lantir hi a sawi ri lo va, AI skills training leh free online coaching an kalpui telin Indian thalaite tana sorkar hmalakna hrang hrang a tar lang thung.
India chu economy ‘nghet lo tak’ atangin kum 10 liam ta chhunga khawvela thang chak berah siam a ni a, a sorkar chuan ram indang a nih kum 100-na, kum 2047-ah ‘ram changkang’ nihtir ngei tumin hma a la tih a sawi.
India-a Naxalite movement hi kum 1967-a intan kha niin khawchhak lama Naxalbari khua atanga intan a ni a, lian zelin kum tam tak chu lo neitu ram nei lo, thingtlang mi rethei leh ram leilung fate tana beiin helna nen an che a. Tharum thawhna avangin civil mi, hel leh venhim hna thawktu sang tel an thi a ni.
Modi-a chuan Maoist movement hian thalai chhuan tharte ‘hma hun an tichhia’ tih a sawi a, a kaihhruai sorkara venhim hna thawktute leh hmasawnna tura policy fakin hei hi kum 2014-a prime minister a nih atanga Maoist-te tharum thawhna titlahniam chaktu a nih thu a sawi.
Mihring dikna chanvo humhalhtu pawl tam tak chuan kum eng emaw zat chu Indian sorkar hi firfiaka chetna dona dan, ram phatsana inpuhna leh ram dang atanga puihna hmuh dona dan tlawhchhanin vantlang, activist, chanchinbu mi leh an kal dan sawiseltute an lo nekchep tawh thin niin an puh.
Modi-a’n a I-Day thuchahah ‘Naxal mi fingte’ a vau
