Modi leh Brazil president inkawm
Prime minister Narendra Modi chuan thawhlehni khan Brazil, Chile leh Argentina president te kawmin, defence, energy leh agriculture bakah thil hrang hranga an ramte nena thawhhona tihngheh dan tur a sawipui.
Nigeria rama ni hnih a cham hnuah pathianni khan Modi hian G20 summit hmang turin Brazil hi a thleng a, Brazil president Luiz Inacio Lula da Silva nen inbiakna an neihnaah G20 presidency an nih chhunga Brazil hmalakna hrang hrangah a fak hle.
Lula nen an inbiak hnu hian Modi chuan kawng hrang hranga India nen an inzawmna chu a nghet hle tih sawichhuakin, a tihchangtlun leh hmalak zel kawngah theihtawp chhuah an tum thu a sawi.
Lula hian kum hmasa lama G20 thlengtu Modi-a hova India hmalakna chuan kawng tam takin a fuihthar niin thudawnna chuan a sawi a, India nen chuan Brazil chu an kaldun reng dawn niin a sawi bawk.
Modi leh Brazil president inkawm
