Prime Minister Narendra Modi leh United Arab Emirates (UAE) President Sheikh Mohamed bin Zayed Al Nahyan te chu Nilaini khan phone-a inbiain ram pahnih inkar thuk zawka an inkungkaihna tur sawi dunin thawhhona tam zawk neih theih dan tur an sawi.
“Hruaitu pahnihte hian India leh UAE inkara pawimawh tak taka thawhhona awm sa bak inhre thiam tawna an hlawkpui ve ve tura thawhhona zau zawk an neih theih dan tur an sawi dun a ni,” tiin external affairs ministry chuan Ningania phone-a inbiakna chungchang hi a puang.
“Huang hrang hranga thawhhonna awm thei nia langte an sawi dun a, ram pahnih mipuiten an hlawkpui ve ve theihna tur ang chia inthlun ngheh lehzual theih dan tur dap zel ni se an ti a ni,” tiin MEA thuchhuahah hian tar lan a ni bawk.
UAE hi Asia khawthlang lama India-in a thawhpui hnai ber zinga mi a nih bakah tuialhthei a lak luhna pawimawh tak a ni a. Emirates-ah hian Indian pawh maktaduai 4.3 an awm a, an awmna lai bawr ram zingah chuan Indian an awm tamna ber ram a ni a, an mamawh tam tak phuhrutu an ni bawk.
An inbiaknaah hian Sheikh Mohamed-a chuan Modi-a chu India chanchina prime minister ni rei ber dawttu a nih theih avanga a lawmpui thu hrilhin a hma lamah pawh hlawhtlinna chang zel turin duhsakna a hlan.
Modi-a pawhin a lawmpui avanga lawm thu hrilhin India mipuite tana that a chhuah thinnaah lawm thu a hrilh a, tha taka dawngsawng zel turin a ngen bawk.
Modi leh UAE president ten thawhhona zauh dan tur sawi
