Congress leader leh Wayanad MP Rahul Gandhi chuan prominent jurist pahnih leh senior editor tena public debate tura an sawmna chu a pawm.
Retired Supreme Court judge Justice Madan B. Lokur, Delhi High Court Chief Justice hlui Ajit P. Shah, leh editor-in-chief of The Hindu ni thin N. Ram te chuan May 9 khan Rahul Gandhi leh Narendra Modi te chu ‘tan bik nei lo leh non-commercial platform’ ah debate turin sawmna an pe a ni.
Rahul Gandhi chuan sawmna a dawng chu a pawm thu sawiin amah leh Congress president Mallikarjun Kharge te chu an tel tur thu sawiin sawmna a pawm hmain Kharge nena sawi dunna an neih thu a sawi bawk.
“Inthlan meka party pawimawh kan nih angin mipui ten party hruaitute atanga direct-a hriat an phu a ni,” tiin Gandhi chuan a sawi a, “Eng hunah nge Prime Minister-in debate a duh min hrilh ula tichuan debate dan tur format leh pawimawh dang te chu kan sawiho thei ang,” tiin a sawi.
Sawmna siamah erawh Gandhi leh Modi te chu a tu emaw zawk zawk an tel thei lo a nih chuan an aiawh an tirh remtihsak an ni thung.
Invitation chuan ‘kan constitutional democracy core-ah zawhna pawimawh tak a awm a ni’ tia sawiin ‘inpuhtawnna leh chona kan hre tawn ve ve a, awmze nei taka inchhanna a awm lo’ tiin a tarlang.
Debate neih chu Indian democracy tan a pawimawh tia sawiin sawmna chuan debate na hmun tur te, moderator tur leh kalpui dan tur te chu remtih dunna ang ni se an ti bawk.
Modi leh BJP lamin engmah sawi an la nei lo va. A hma pawhin Rahul Gandhi chuan PM Modi chu debate puiah eng hunah pawh 100% in a cho reng tia sawiin mahse kar kalta Zirtawpnia Lucknow a thusawina a neihah ‘Prime Minister hian min deabte pui ngam dawn lo tih ka hria,’ tiin a sawi thung.
Modi nena debate tura sawmna Rahul-a’n pawm
