Lok Sabha MP Richard Vanlalhmangaiha chuan Ningani khan Delhi ah Civil Aviation minister Ram Mohan Naidu Kinjarapu hmu in Mizoram mamawh a thlen.
Mizoramah airport pakhat chiah a awm avanga indaih lohna a nasat thu leh Mizoram hmun hrang hrang atanga a panna kawnga harsatna an tawh nasat thu MP hian a sawi a. A bikin Mizoram chhim lama airport siam a tul thu leh a hmunhma pawh engemaw chen hmalakna a awm tawh tih a sawi.
Civil Aviation minister hian a hmunhma a ngaipawimawh tih sawiin, airport hmun tur a awm thei dawn a nih chuan hma lak a inhuam tih a lo hrilh.
Mizoram MP hian Manipur buai avanga tlangmiten Imphal Airport an kal theih tak loh avanga Lengpui Airport-a thlawhna a indaih loh nasa a, thlawhna service tam zawk a awm theih nan hma laksak turin Union minister hi a ngen bawk.
MP-in airport leh thlawhna service siam belh a ngen
