Parliament Session kal mekah Thawhlehni khan Mizoram Rajya Sabha MP K Vanlalvena chuan Mizoram chanchinbu neitute harsatna chungchang a sawi chhuak.
Online-a chanchinbu registration title dilna form-ah duh thlan theih tur tawng hrang hrang ziah tlarnaah Mizo tawng telh a nih ve loh thu MP hian House a hrilh a. Mizo tawng hmangtute zinga chanchinbu chhuahna tur dilna form-ah Mizo tawng a tel loh avangin Mizo tawng chanchinbu a chhuah theih dawn loh tihna a nih avangin online-a dilna form-ah Mizo tawng telh ngei a phut tih a sawi a ni.
Hemi thu hi K Vanlalvena hian Union minister of Information & Broadcasting Ashwini Vaishnaw hnenah ziakin a thlen nghal bawk a ni.
MP-in chanchinbute harsatna thlen
