Mizoram People Forum chuan thalaite leh zirlaite ah sawrkar tha zirtir beihpui thlak an rel.
Mizoram People Forum (MPF) Governing Board chu an president, Synod moderator Rev John Raldosanga kaihhruaiin Ningani khan an thukhawm a. General secretary Rev Lalramliana Pachuau chuan hmalakna report a pe a. Kumin April 21-a Aizawl Municipal Corporation inthlana MPF chetvelna thlirlet a ni.
Inthlan thianghlim neih a nih theihna tura Local Forum leh Constituency Forum-ten theihtawp chhuaha an huamchhung hneh taka an vil chu MPG Governing Board chuan lawmawm a ti a. Hmun thenkhatah MPF leh political party thawhhona thuthlung hriatchian tawklohna pawh ala awm nia a lan thu sawi niin, chutihrualin tluang taka inthlan buatsaih a ni chu lawmawm a tih thu a sawi a ni.
Kumin chhoa MPF hmalak dan tur ruahmanna sawiho a ni a. Thalai leh zirlaite hnena sawrkar tha (good governance) pawimawhna inzirtir, media chakna hman tangkai bakah kawng hrang hranga hmalak dan tur sawi a ni.
Heng bakah hian kumin November 6-a MPF Annual General Meeting neih turah ruahman lawk ngai pawh a tul anga bawhzui nise an ti bawk.
MPF-in thalaiteah sawrkar tha zirtir beihpui thlak tum
