MRB hotu in larsap puihna ngen
Mizoram Rural Bank chairman Sheryl Vanchhong chuan Ningani khan Mizoram larsap Dr Hari Babu Kambhampati chu Raj Bhavan-ah hmuin MRB hmalakna, hmachawp leh mamawh an sawidun.
Larsap chuan MRB hotute chu mipuiin bank kaltlanga hamthatna an dawn theih bakah bank hman tangkai dan an hriatchian lehzualna atan tan la zel turin a chah a. Social security scheme leh loan pek chhuah lamah tan la a, puih ngai pui hreh lo turin a chah.
MRB hotu chuan Mizoram khawpui leh thingtlang thlengin an inzarpharh tha tih hrilhin, social security scheme leh bank hman tangkai dan inzirtirna pawh tha takin an kalpui tih a sawi. MRB chauh nilo, bank hrang hrang customer-ten MRB hnuaia CSP (Customer Service Point) an dawr theihnan Aadhar authentication leh Inter Operable Micro ATM kaltlanga bank account hawn chunchanga harsatna awm pawh sawiin, he harsatna chinfel a nih theihnan thuneitu NPCI lama hma laksak turin larsap hi a ngen.
MRB hian tunah Mizoramah branch 105 neiin, hei hi Mizoram bank awm zaa 40 a ni a, thingtlang bikah chuan zaa 73 a ni pha.
MRB hotu in larsap puihna ngen
