Joint Council of Mizoram Rural Bank Union hruaitute chuan Thawhlehni khan chief minister Lalduhoma hmu in, an dil pawh ni loa an dinhmun chawikanna tur leh an mamawh sawrkar laipui Ministry of Finance-a a thlen sak avangin an lawm hle tih an hrilh a. MRB a thawkte mai niloin All India Regional Rural Bank Association pawhin ropui an ti tih an hrilh bawk.
Joint Council of MRB Union hian Chief Minister’s Relief Fund atan cheng nuai 4 an chhunglut nghal a ni.
Chief minister hian kumin February 10 khan Union Minister of State for Finance Dr BK Karad hnenah Mizoram Rural Bank hmasawnna tur a thlen a. Regional Rural Bank-ah Mizo thalai tam zawk an luh theih nan Special Recruitment Examination buatsaih leh, SBI thawktute nen allowances intluktlang pek leh bank thenkhat an hnena loan diltute Income Tax Returns document phut thinten income tax pe ve lo kan nih anga min ngaihhnathiam theih nana dilna a thlen chu reiloteah a taka hmuh a beisei thu chief minister a lo sawi a ni.
MRB-in CM lawmthu hrilh
