Mizoram Rural Bank chuan vawiin September ni 4 (Ningani) khan Zirtirtute Ni lawmpuina hun an hmang a. He ni denchhen hian School hrang hrangah an mamawh an pe bawk.
MRB hian Zirtirtute Ni pualin thlanbik school 53 hnenah thilpek a hlan a. Thilpek inhlanna hmunpui ber MRB Head office-a neih chu School Education director Angela Zothanpuii’n hmanpuiin, Aizawla school 17-ah thilpek hlan a ni. MRB chairman Sheryl L Vanchhong leh School Education director hian thu an sawi a ni.
Mizoram Rural Bank hian kumin August 31 thleng khan an sum virvel hi a vaiin cheng vaibelchhe 9883 a ni a. School naupangte leh anmahni duhsaktute avangin PMJDY account pawh 314000 chuang an nei. An credit-deposit ratio chu 65% a ni mek. Mi 180 chuang hnenah education loan a pe tawh a, cheng vaibelchhe 5 chuang a ni tawh.
Zirtirtute Ni pual hian Mizorama school hrang hrang thlanbik 53-ah water cooler 27, computer set 21, printer 8, portable speaker 2, musical instrument 2, pedestal fan 5, smart TV 3 leh laptop 1 an pe a, a vaiin nuai 20.70 man hu a ni.
MRB-in Zirtirtute Ni lawmpui
