MSL 11 – Hotshots leh Chanmari chak TKS squad a pan; Chhinga Veng beiseiawm

MSL 11 – Hotshots leh Chanmari chak
TKS squad a pan; Chhinga Veng beiseiawm
MSL 11 ni hnihna zanah Mission Veng Hotshots in Tuikual South BC chu 106-73 zetin an sawp.
He inkhelah hian Hotshots foreigner Johnson a hmuhnawm fal a, Mizo player-te khel a pui takzet bawk!
TKS lamin foreigner chah lut hman se, chakna chance an nei; an squad pan a langsar ta deuh – an Mizo player captain Akima hova khel erawh an tang rei thei hle. Player of the match lawmman chu point 22 neitu Lalruatkima, Hotshots a ni a, a phu ang ngeiin a dawng.
Inkhel hnuhnung zawkah Chanmari BC tana khel t ha fal chungchuang, Super Mario tia chhal ngam Rozama chu player of the match atan thlan a ni a, point 18 a nei. He inkhel hmuhnawm takah hian Mizo star player rual khelhna Chanmari BC hian Chhinga Veng BC an paltlang lo teuh fu!
Eng position-ah pawh Chanmari BC lam an hriam hle a; hemi chhang let tur hian Chhinga Veng BC lam hian tihsual an neih zeuh thin an tuar – Chhinga Veng BC player Sahaj Patel hun tawp lamah a chau tih a hriat a, an tumpuite inthlahdahna zeuh lai apiang Chanmari BC hian an chhu hawng zel bawk nen, 86 – 73 in Chanmari BC an chak ta nge nge – sabhash…
Hoops Mania Timeout
Zanin inkhel hmasa zawk tur hian championship road a sial awlsam thei – club pahnih tan hian! Big 4 club pahnih inkhel tluka kartawp bul tan nana thlanawm hi a awm chuang lo.
Match pahnihnaah hian Khatla TBL barakhaihtu Saron BC kan hmu dawn; TKS tan an MSL 11 zin kawng a chiang chho bawk ang.

Zanina khel turte:

Zarkawt BCA Vs Chanmari BC – 5:30 pm
Saron BC Vs Tuikual South – 8:30 p