Chief minister Lalduhoma’n tunhma a\anga a lo auchhuahpui \hin— D A H=DAH tih chu thil theih a nihzia finfiah nan, sawrkarna an siam hlimchhawnah Mizoram tharchhuah item pali atan Minimum Support Price (MSP) a puang a; sum hman tur pawh cheng vaibelchhe 110 dah hran nghal a ni a. Chawlhkar khat pawh sawrkarna an la chelh hma hauhvin, Council of Ministers meeting chuan sawrkar kum thar (2024-25) budget-ah thlai thar leina tur cheng vaibelchhe 150 dah turin a rel nghal bawk a.
Mizoram sawrkar awm tawh achinah, kuthnathawktute pual liau liaua sum hman tur chheh hran a nih vawikhatna tiin a sawi theih awm e. Sawrkar liam ta MNF sawrkar khan, 2022 kum laihawl vel khan Mizoram tharchhuah ngei buhfai lei a tum thu a auchhuahpui a. Lei tur zat, a rate leh sum dahhran zat erawh chiang faka puanzar kha a awm ta chiah lo niin a lang a. Buh thartuten anmahni eikhawp pawh an tharchhuah lohna ramah chuan buhfai lei tur a lo awm lo va, sawrkar pawhin quintal 23 chu a lei ve hman niin supply minister khan a sawi. Leilet buh tharchhuah tamna Kolasib district-ah buh-her-khawl ropui tak din a ni a, mahse buh her tur pawh an hmu mang lo a ni awm e.
India sawrkar hian Minimum Support Price hi tharchhuah item 28-ah a siam mek a; Cotton leh Jute tih loh chu ei leh bar thil vek a ni. Central MSP hnuaia Cereal group zingah Ragi tih loh chu rate hi Rs 50 hnuai lam vek a ni nghe nghe. Mizoram MSP rate hi a theuneu lo hle a ni.
Sawhthing hi kan hriat angin, a dehralna mumal tak a awm loh avangin \henawm state sumdawngte kutah kan innghat a, rate an control a ni deuh mai a. Sawhthing chingtute mangangin sawhthing \awih ai chuan tiin tlawmtein an hralh a ngai leh nge nge \hin.
Tuna hetia MSP a awm ve tak chinah hi chuan, a chingtuten hralh theih loh an nei tawh dawn lo tih an rawn hriat ve dawn tak avangin, sawrkar rate aia sang zawka lei tumin Buyer ho pawhin an rawn inchuh ang a, chu chuan rate competition siamin, thil \ha tak a rawn hring chhuak mai dawn niin a lang.
Kan state chhunga tharchhuahte hi a nihna ang ang (raw)-a state pawn lama dehral dan ringawt zawn hi a pawimawh ber lo bawk. Processing plant lam uar a, a siamsa (processed) zawnga thawnchhuah lamah \an kan lak thar hi hmasawn zelna tan pawh a pawimawh; eizawnna tam tak siam belhna a lo ni nghal bawk ang a, chu chuan hmasawnna thar a hring chhuak dawn a ni.
MSP leh a behbawm
