MSPMC-in hnathawh mek endik
Mizoram State Project Monitoring Committee (MSPMC) chuan Thawhtanni khan khum 50 awm theihna tur sak mek, District Hospital Hnahthial an endik a. PWD hotute leh Health department hotute bakah contractor-ten an lo dawngsawng.
Hospital building leh staff quarters sak an enfiah hnu hian an inkhawm a. MSPMC lam hian hospital thawktuten siamrem tul an tih, contractor harsatna bakah chak zawka hna thawh a nih theih dan tur Committee-ah report thehluh a ni dawn tih an sawi a. Committee chuan mamawh chu chak taka an bawhzui zel tur thu sawiin, hetiang hunah hian an hmachhawp chu tualchhunga stake holder, NGOs leh khawtlang hruaitute hrilhhriat ve thin nise tha an tih thu an sawi bawk.
Khum 50 awm theihna tur District Hospital Hnahthial leh staff quarters sak mek hi North Eastern Consultancy Services (NECS) in cheng vaibelchhe 16 chuang sengin a sa mek a ni.
Thawhtanni vek khan MSPMC hian Solid Waste Mangement Centre Lawngtlai an enfiah bawk a. Wet Waste Composting Centre, Dry Waste Composting Centre, site office cum staff quarters, sanitary landfill leh a danga hnathawh mek endikin, thawktute nen an sawiho a. Khawl hmangin an hmanrua hman a that tawk leh tawk loh an endik a ni.
Solid Waste Management Centre Lawngtlai hi UD&PA department hnuaia Rs. 6,97, 70,000 senga sak tur a ni a. Hna hi 2024 October khan tanin, kum hnih chhunga zawh tura tih a ni. A sak hna hi Lalfamkima, Aizawl-in a thawk.
MSPMC Inspection Team hian an thil endik hi Mizoram sawrkarah report an thehlut leh dawn a ni.
MSPMC-in hnathawh mek endik
