MSU-in RIPANS-a seat hauh
dan leh OBC pual hna sawipui
Mizo Students’ Union chuan Zirtawpni khan RIPANS director Dr Sanjay D Sawant hmuin RIPANS-a students seat reservation leh Other Backward Classes (OBC) pual hnaruak chungchang an sawipui.
MSU Gen. Hqrs. hruaitute hian director hnenah RIPANS-a state dangin seat reservation 4 an neih chu an hnawhkhah loh chuan Mizoram atanga dil zirlaite tan dahsak thin turin an ngen a. M.Sc zirna bikah hmun dang institution-ten an kalpui angin RIPANS Alumni tan 30% seat reserve turin an ngen bawk.
Hnalak chungchangah OBC post chauhin dil theihah tihkhawtlai ang deuha hriat thin chu pawi an tih thu MSU hian an sawi a. OBC-te chauhin an dil theih ang chi chu a ranglama hna dilna notification tichhuak zung zung turin an ngen a ni.
RIPANS director chuan seat reservation hnawhkhah loh a awm chuan an theih ang anga Mizote tana an kalpui tur thu in alo chhang a. OBC post hnalak tur awm pawh notification tihchhuah thuai a nih tur thuin a chhang a ni.
MSU-in RIPANS-a seat hauh dan leh OBC pual hna sawipui
