Ni nga chhung awh Muaythai Association of Mizoram (MAM) hnuaia Instructor Training Certifi-cate Course chu karliam-ta Inrinni khan zawh fel a ni a, training chhuakte certificate hlan an ni.
Muaythai Instructor training hi Edenthar YMA Hall-a Muaythai Training Centre tharah nghah niin, Kru Lalhlimpuia kaih-hruaina hnuaiah training hi mi parukin an zo fel a, an awmna veng leh khua theuhah club dintharin, Muaythai zir duhte hnenah training an pe chhawng leh dawn a ni.
He hun hmanpuitu Muaythai association president Brian Lalnun-hlima chuan, “Training-na tur hmunhma tha nei mumal lo pawhin world class player kan chher-chhuak thei a, hei hian hmunhma tha aiin player theihna leh thiamna phochhuak thei turin taimak a pawimawh zawk tih a entir a ni” a ti.
MAM president chuan sawizawmin, “Instructor Training Certificate Cour-se hi kan buatsaih chho reng dawn a, hei hi kum 2024-a LPS Pro Muaythai neih leh tura kan inbuat-saihna pakhat a ni,” tiin training chhuakte chu an awmna veng leh khua theuhah thahnemngai taka player-te training pe zel turin a fuih.
Tuntuma Muaythai Instructor Certificate Course chhuak tharte chu he’ng mite hi an ni :-
1. Lalruatkima Saitual
2. Benjamin Zonunsanga Luangmual, Aizawl
3. Lalngaihawma Hunthar, Aizawl
4. Rony Lalchhuansanga College Veng, Kolasib
5. Lalrinhlua College Veng, Kolasib
6. George Lalmuanawma Chawnpui, Aizawl
Muaythai Instructor Training
