Intlansiak kawng piahlama football nena sawikawp hlawh chho ve reng sprint legend Usain Bolt chu October ni 1 khian Mumbai khuaah a rawn inkhel dawn a, exhibition match-ah a inlan ang.
Olympic gold medal pariat tehreng awrh tling chunga intlansiak kawng hawisan ta Bolt hi infiammi piangchhuak tawh zinga ropui langsar pawl niin, intlansiak a chawlhsan hma pawh khan a football khel hlimthla hmuh tur a awm zauh zauh tawh a; athletics a chawlhsan hnuah pawh professional club zawm tura trial a hmachhawn thawm leh a training hlimthla te, a goal thun lai te thlengin hmuh tur a awm nawk a nih kha!
Athletics a chawlhsan hnu khan he actively pursued this love, training, playing trial matches, and even scoring goals along the way.
A reh vang vang hnuah football nen bawk sawizawm a ni leh mek a, India leilungah footballer rual, Bollywood star-ho leh mi langsarte inlanna tur exhibition match-ah a inkhel lai thlir tur a awm leh dawn.
September ni 30 atanga tan ni hnih awh tur PUMA huau huau huaihawtah hian ni khat chu exhibition match atan dah niin, Bolt hi first half leh second half-ah team pahnih Bengaluru FC leh Mumbai City FC tan a inlan ve ve dawn a ni.
He exhibition match en tur hian ticket lei a ngai dawn a, fans pawh hip hle tura ngaih a ni.
PUMA India MD Karthik Balagopalan chuan sport-in vantlang suihkhawm leh chawkphur tura theihna a neih thu sawi chungin football chu India thalaite lawm hlawh ber ber infiamna zinga pakhat a nih thu leh an thil lawm tura Usain Bolt an sawmlut thei chuan an ruahmanna a tihfamkim tur thu a sawi.
Mumbai-a inkhel tur Bolt
