Thil a kal fuh zel chuan policete chenna hmuna hruiatu thlan thar committee, Vayal, Khalapur hmun ami te chuan kum 10 chhung building an lo sak tawh chu anmahni ngeiin enkawla hmasawnna thlen tir an tum.
October thla-a Cooperative Housing Society inthlanah Police chenna tur in sak that loh avanga lungawilo police pawl te chuan hnehna an chang a, Urban planner Chandrasekhar Prabhu chuan mahni ngeia hmasawnna thlen tir tumtute chu a kaihruai dawn a ni. Mahni-a hmasawnna (Self-Development) chu ram neitu ngeiin tih hmasawn tumtu te puihna tel lova anmahni ngeiin an tih hmasawnna hi a ni, tiin Prabhu chuan a sawi. He project ram 120 acre a zau hi police mi leh sate tana ruahman niin chenna in 5,000 vel sak theih tura beisei niin police constables, havildar leh naiks te chenna tura ruahman a ni a. IPS officers retired tawh te an inrawlh avangin he hnathawh hi a muangin a hna a chhe em em a ni.
Committee thar an din tak hi ‘Dhyas Swayamvikasacha’ (Mahni puala hmasawnna thlen tir tumtu te) niin police ho ten an kaihruai a ni. He committee-a police tel te chu – constables, head constables, assistant sub-inspectors leh sub-inspectors, retired leh tanglai te an ni. He committee-in a sawi danin October ni 8-a inthlan a nih khan hruaitu hmasate hi thlan tlin an nih tak loh avangin dan pangngai ang taka mawhphurhna hi inhlan chhawn a la ni lo a ni. “Lehkhathawn pathum chu cooperative department hotute atangin thawn chhuah tawh niin committee hmasate bungrua chu laa anmahni hnena hlan tura tih a ni a. Committee hmasa chu he in hmun bul Sanpada bul hnai maia mi in luah atanga hna thawk mai thin an ni. Assistant registrar of the cooperative department, Khalapur chu office te lakir turin kan nghak mek a ni,” tiin Committee thar member pakhat chuan a sawi a ni. “Prabhu leh senior bureaucrats te kaihhruaina kan nghak mek a, anni hian min kaihhruai leh tanpui an lo remti tawh a ni. Pawn lam atanga min tan reng fotu te, hmun hrang hrang atanga min tanpui tuten kan mumang rama kan suangtuahna hi a tak tak kan thlen theih nana puitu tha tak an ni a, a tak ram ngei kan thlen kan beisei tlat a ni,” tiin a sawi bawk.
Mumbai-a Police te chenna hmun buaiah mahni ngeiin hmasawnna siam duh
