Tun thla chhungin Mumbai chuan tum hnih lai India temperature record sang ber tum hnih a tawng der tawh a, March 12 khan India Meteorological Department (IMD) te chuan Mumbai-ah tuipui atanga thli thaw a awm loh hnuah 39.4 degree Celcius a hawlh thu an tarlang.
IMD te chuan khua la lum chho zual thei turah a ngai bawk a. “Tun thla chhung ringawtin tum hnih lai India rama temperature record sang ber Mumbai chuan a hawlh der tawh a. March 6 khan Santacruz (observatory) ah 39.1 degree Celcius record a ni a, kha kha India rama temperature record san ber a ni a. Pathianni khan 39.4 degree Celcius record leh niin a san ber a ni leh a ni,” tiin IMD scientists Rajendra Jenamani chuan a sawi.
Coastal Konkan region-a temperatre record chu March 12 khan nomral aiin 4-6 degree Celcius laia a san thu a sawi bawk a. March 5-7 pawh khan temperature chu normal aiin 5-7 degree Celcius-in a sang tawh zawk, tiin Jenamani chuan a sawi bawk.
“A tlangpuiin Konkan chuan tun ang hunah hian tuipui atanga thlifim thaw avangin zing lam dar 11:30 atanga 1 pm inkar chhung chuan khawlum lutuk a ziaawm thin a. Mahse, tun hnai ni sarih atanga ni sawm vel chhungin tuipui atanga thlithaw a awm lova hei hian temperature a tisang zual a ni,” tiin IMD scientists Rajendra Jenamani chuan a sawi a. Temperature-te hi Rajasthan leh Gujarat-ah te sang viau tur a nih laiin chhumpai ruah leh thli awm avangin a ziaawm phah zawk tiin a sawi bawk.
Mumbai-ah temperature sang ber record
