Mumbai-Delhi thlawh tur Ahmedabad airport-ah tumtir
IndiGo Airlines flight, 6E-651 Mumbai atanga Delhi pan tur chu an tlawkchhuak chiah tihin bomb an phur nia sawi a nih avangin hmanhmawh takin Ahmedabad airport-ah tumtir a ni.
He thil thlen hun hi nilaini zing khawvar hma deuh kha niin, Sardar Vallabhbhai Patel International (SVPI) airport biak pawp nghal a ni a, rang takin tumtir nghal a nih thu airport thuneitute chuan sawiin, mahse inbumna leh dawt thuleng mai a lo ni a, finfiah a nih hnuah him dam takin an tum lam an pan lehnghal.
He thlawhnaah hian passengers 200 chuang an chuang a, venhimna lam uluk taka kalpui nimahse social media lamah bomb an phurh thu a darh tak hluai avangin fimkhur thuah Ahmehdabad lamah hian tum lailawktir nghal a nih thu airport thuneitute chuan an sawi.
Tunhnaiah India chuan hetiang inbumna hi a tawng chho nual a, kartir lam atang khan ramchhung thlawhna thlawkchhuah tur leh ramdanga thlawk tur thlawhna ho pawhin hetiang thil hi lo tawng tawhin, finfiah an nih hnuah inbumna a lo la ni zel rih a ni.
Hetiang a nih avang hian airport thuneitute chuan hel pawl laka chetna thleng thut thei leh an ruahmanna hmahruai nia ngaiin ramchhung tumhmun tam zawkah chuan venhimna an tikhauh zual hle.
Tunkar chho ringawtah pawh khan hetiang inbumna hi ramchhung thlawhna IndiGo in tum li, SpiceJet in tum hnih leh rampawn lam thlawk Akasa Air chuan tum khat a lo dawng tawh a ni.
Mumbai-Delhi thlawh tur Ahmedabad airport-ah tumtir
