Supreme Court chuan Indian mipa ten an nupui homemaker te pawimawhna leh mahni inphata chhungkaw tana an inpekna te an hriatfiah a hun tawh tiin a sawi.
Bench of Justice BV Nagarathna leh Justice Augustine George Masih te chuan Muslim hmeichhia pasal tena an then te chuan Section 125 of the Code of CriminalProcedure hnuaiah an pasal te atangin chawmzui an nihna tur (alimony) an phut thei ang a ti a. Bench chuan hei hian hmeichhia pasal nei tin eng sakhua pawh a huam vek tiin a sawi bawk.
Chhungkuaa homemaker pawimawhna sawiin court chuan pasal chuan nupui hnenah financial support a pe tur a ni a ti bawk a. “Pasal chuan a nupui chu financial support a pek chu tihmakmawh a ni. Hmalak tlan theihna joint bank account te leh ATM access in share te chu inchhungah chhungkhat nu in economic stability a neih theih nana pawimawh a ni” tiin court chuan a sawi bawk.
Supreme Court chuan Muslim hmeichhia chuan Section 125 of the Code of Criminal Procedure hnuaiah inthen hnuah pawh a pasal atangin amah chawmna tur a ngiat theihna chu charity ni lovin pasal nei hmeichhia fundamental right a ni a ti bawk.
“He rights hi religious boundary chunga awm a ni a, hmeichhia pasal nei tin te tana principle of gender equality leh financial security a ni” tiin a sawi bawk. Section 125 chuan zautakin mipa chuan a nupui, fa leh nu leh pa te enkawlna tur a hnawl thei lo a ti.
He judgement hi Mohn Abdul Samad an family court in a nupui then hnenah amah enkawlna tur thlatin Rs 20,000 pe tura a tihna a khinna a ni a. Samad chuan Telangana High Court in thuremna siam danglama Rs 10,000 pe tura a tihna chu Supreme Court ah a khing leh a ni.
Mumbai khawpuiah ruahsur nasa
