MUP Chaltlang-in jubilee lawm
Mizoram Upa Pawl Chaltlang Branch chuan an kum 50 tlin, Golden Jubilee chu Thawhlehni khan an lawm a. Aizawl North-I bialtu MLA, minister Vanlalhlana’n a hmanpui.
MUP member-te tawnhriat chu khawtlang tana rohlu a ni tih Vanlalhlana hian sawiin, history a taka kan hmuh theihte an ni tih a sawi. Chhuan lo awm zel turte hnenah an thiamfinna hlan chhawng zel thei turin an kianga hun tam zawk hman a tul hle tih a sawi bawk.
Khawvel inher danglam zelah upate chu thalaite finchhuah tura thawhpui a, hmasawnna hna thawhte thlenga uluk taka vilpui thin tur leh, ram rorelnaah pawh ram hruaitute finchhuahtu nih tum zel turin a chah a ni.
Jubilee hmannaah hian an member boralte sun an ni a; hruaitu hmasate, bial vawngtute leh MUP Tlangau semtute chawimawina hlan an ni.
MUP Chaltlang Branch hi 1974 November 3 khan unit dina bul tan a ni a. Kumin hian an din tan ni tak hi Pathiannia a tlak avangin hun remchang hmasaah jubilee hi an lawm ta zawk a ni.
MUP Chaltlang-in jubilee lawm
