A puala band an neih avangin a single video hi hmuh tur a khat ta pharh a. Mahse, he kum thar hian Stacy VL Muanpuii single music video thar a rawn her chhuah pui dawn e.
Stacy music video thar tur hi ‘Ka Chhungkua’ tih a ni. He a single music video thar hi nikuma Mizoram Synod hnuaia Family Guisance & Councelling Centre (FG&CC) in Kristian chhungkaw film intihsiakna an buatsaih a Presbyterian kohhran, Tuikual Branch K|P film an siam ‘Ka Chhungkua’ film hlapui (OST) a ni.
‘Ka Chhungkua’ tih hi Tuikual Branch K|P member te vekin video, lyrics, music leh recording bakah production zawng zawng hi an buaipui a ni. A hla phuahtu hi Lalmalsawma niin, music leh recording hi H Lalnuntluanga (Westend Studio) kutchhuak a ni a. A music video hi Bilywaif films leh Zuala Langel te siam a ni bawk.
Kum 2015 khan Stacy hian a single music video hmasa ber a tichhuak a. Chu chu ‘Khawngaihna Thing Kraws’ tih kha niin, Tuikual Branch K|P produce a ni a. A debut single a tihchhuah atanga kum kua hnua a single music video tihchhuah leh tur pawh hi, Tuikual K|P Branch produce tur tho a ni.
Stacy music video thar ‘Ka Chhungkua’ tih hi nimin (January 12, 2024) khan YouTube lamah hmuh theihin dah chhuah a ni tawh.
Hetih lai hian, kumin hi Stacy’s Band tan kum that kum a nih ngei a beiseiawm hle. Tunah hian Stacy’s Band hian hla mawi leh thar tha tak takte recording neiin studio an belbul mek a. Kumin hian music video chhuak tur pawh a awm nual dawn a nih hmel.
September 2018-a indin, Stacy’s Band hian music video tihchhuah la nei chiah lo mah se kohhran leh pawl anga sawmna dawngin, Pathian fak leh chawimawia rawngbawlna neiin an feh chhuak ngun hle.
Music video thar nen Stacy a rawn comeback leh ta
