MVA charity volleyball match & show

MVA charity volleyball match & show

MVA charity volleyball match & show
Mizoram Volleyball Association (MVA) chuan khuarel chhiatna avanga harsatna tawkte pualin June ni 20, 2025 (Zirtawpni) zanin dar 7:45 hian LPS Arena, Falkland-ah charity volleyball match leh show a buatsaih dawn.
He hunah hian Mizo-ram top player awmna club TNT leh Tuichangral Volleyball Club-te’n inkhel hmuhnawm tak an chhawpchhuak dawn a ni.
Zai thiam (top artiste) tak tak zai ngaihthlak tur a awm dawn bakah lam thiam leh model rual chetla hmuh tur a awm ang a, Mizo filmstar engemawzat inlan tura beisei an ni bawk.
May ni 24, 2025 atanga ruahsur khan Mizoram pumah leimin hmun 771-ah a thlen niin State Emergency Operation Centre (SEOC) chuan a chhinchhiah a; leimin leh ruahsur nasa tak avang hian mi panga laiin nunna an chan tawh niin report a lut bawk.
Kan Mizopuite’n hetiang chhiatna nasa tak an tawk hi MVA chuan pawi a tiin a tawrhpui tak zet a ni tiin thuchhuah an siam.
An thuchhuahin a tarlan zel danin, khuarel chhiatna avanga harsatna lo thleng avanga ruahmanna rawn chhuak hi mipuite’n thinlung taka lo thlawp a, tlem lua awm lo, tam lua awm loa tanpuina pawisa thawhkhawm tur leh ticket zawrhte tlawmngaia leisak turin MVA chuan Mizoram mipui a sawm a ni.
LPS Arena gate hi zanin dar 6 atanga hawn tan tur a ni.

Comments (0)
Add Comment