Phai lam atanga Mizoram kaltlanga Myanmar-a kalpui tum nia ngaih saphu kawr kg.98 chu Vairengte Excise & Narcotics check gate-ah man a ni.
Thudawn danin, Aizawl leh Shillong inkara maxi cab service ML10B 6858 hmangin March 5 zing khan Shillong atangin he thil hi satha ip 4-ah rawn phurh chhoh a ni a. Vairengte Excise checkgate-a an bungraw phurh enfiahnaah saphu kawr an phur tih hriat niin, Environment Forest department hotute hriattir nghal an ni.
Maxi cab khalhtu hian Shillong-a an maxi cab counter atangin vawksa rep nia sawiin phurh tir a ni a, Aizawla an counter-a dah tura tih a ni. An bungraw phurh hi enge a ni tih a hre loa, hemi tum chauh ni lo, nidangah pawh bungrua an thawn hi an endik kher ngai lo niin a sawi. Vawksa rep phurha a phurh saphu kawr bakah sofa thuthleng nen Rs. 6000 chawitirin a phurhsak niin a sawi a ni.
EF&CC department hotute sawi danin, saphu kawr hi kg. ah Rs. 35000 tea hralh thin a ni.
Myanmar-a kalpui tum nia hriat saphu kawr man
