Tiau chhak lam Zofate leh Mizoram state-a Zofate hi an inkalpawh reng a, Myanmar lama rinluh |iau chhaka Zo hnahthlakte’n Mizoramah lehkha an zir nasa. Mahni khua atangin Mizoram khaw hnaiah zirlai engemaw zatin sikul an kal mek.
Myanmar-ah hian an buai hnuah sorkar nei lo ang an ni a, sorkar office-te an chawlh bakah zirna in pawh an chawl thuap. Hei vang hian Myanmar-a Zo hnahthlak zirlai engemaw zat chuan Mizoramah sikul an kal a, an sikul kalna khuaa awm kher lovin, an khua atangin Mizoram khaw hnaiah sikul hi ni tinin an kal thin.
Myanmar hnaih Mizoram khaw hrang hrangah chutiang chu zirlai eng zat nge awm ang tih chu hriat mai theih a ni lo a, Zokhawthar-ah ringawt pawh zirlai hi sang dawn an awm nia hriat a ni.
Zokhawthar VC president Lalmuanpuia chuan an khuaah hian Myanmar lam atangin zirlai thahnem takin sikul an rawn kal tih a sawi a, “Sang chu an tling lo ang a, mahse sang dawn chu an nih ka ring,” a ti.
Myanmar lam khaw hnai ber Khawmawi chu Zokhawthar nen hian a inzawm tiin a sawi theih a, |iau luiin a daidang a ni chauh. Khawmawi hi in sang khua an ni a, he khuaa naupangte chu Zokhawthar-ah sikul an kal deuh vek tih Zokhawthar VC president chuan a sawi.
Myanmar-a Khawmawi leh a chhehvel khua atangin Zokhawtharah zirlai engemaw zatin sikul an kal tih a sawi a, a hla ber chu Lianhna khua a nih a rin thu sawiin, km 5 vel a ni a, chuta tang chuan ni tin Zokhawthar-ah hian an kal tih a sawi.
Zokhawthar-ah hian sorkar primary school pahnih leh private school, primary atanga middle thleng awmna pali a awm a, middle school pakhat, high school leh higher secondary school pakhat ve ve a awm. Primary atanga pawl 12 thlengin Myanmar lam atanga kal zirlai an awm.
“Kan khuaa sikul tinah hian Myanmar buai hnuah zirlai an pung vek a, a letin an pung vekin a rinawm,” an VC president chuan a ti.
“Ni tinin an rawn kal a, kan inhrethiam a, khaw khat angin kan inngai mai a. Ramri hung leh free movement regime tihtawp te hi awm tak tak ta se zirlaite hian an tuar dawn a, naupang a nghawng dan tur ringawt pawh hi a nasa khawp ang,” a ti bawk.
“Kan inmamawh tawn a, tin, chhung leh khat leh thenrual tha vek kan ni bawk a. A lehlam lehlam atangin ni tinin mi sang chuangin |iau hi kan kan reng. Lei-ah kan kan a, lui dai kai kan awm bawk a,” a ti bawk.
Zokhawthar hi in 800 vel an ni a, an VC president chuan kuminah raltlan 700 vel an awm belh tih sawiin, a hmain mi 6021 an awm sa tia an chhinchhiah thu sawiin, mi 7000 vel an mikhual mek thu a sawi.
Myanmar a\angin zirlai \hahnem takin
