Myanmar sipaite bei mektu Ethinic minority fighters te chuan Shan state-ah sumdawnna hmunpui chu an thunun tak thu an sawi.
Myanmar hmar lama Shan state-ah October thla a\ang khan Arakan Army (AA), the Myanmar National Democratic Alliance Army (MNDAA) leh Ta’ang National Liberation Army (TNLA) te \angrual chuan Myanmar sipaite beiin indona nasa tak kalpui \an a ni a.
Heng pawl pathum inzawmkhawm te hi Three Brother Alliance tih niin sipai hmun tam tak lain tunah China nena insumdawntawnna hmun pawimawh ber ramri hnaiha awm chu an lak thu an sawi a. Kum 2021 a Myanmar sipai tena thuneihna an chan hnua an hloh lian ber a la ni tih a ni bawk.
Kar kalta Ningani khan China chuan Three Brother Alliance leh Myanmar sipaite chuan inkahhaina an siam thei ta tiin a sawi a. Mahse, MNDAA awp chinah chuan buaina a chhuah zui loh laiin TNLA leh AA te thununna hmunah chuan buaina a la chhuak zui tho a ni. TNLA te chuan Zirtawpni kalta khan kar hnih chhung an beih hnuah Namhsan pawh an thunun tak thu an sawi a.
“Khua kan la ta” tiin Brigadier-General Tar Bhone Kyaw chuan a sawi a. TNLA te chuan Facebook ah an grop leader tena khua an tlawh lai leh Myanmar sipaite lung in tang tura an hruai dan an tichhuak bawk.
Myanmar sipai thupuangtu Brigadier-General Zaw Min Tun pawhin state-run TV channel MRTV hnenah Zirtawpni khan Namhsan-ah indona a thleng mek tiin a sawi bawk a.
TNLA’s Tar Bhone Kyaw chuan Myanmar sipai te chuan 105-Mile Trade Zone, Shan State-a China nena insumdawn tawnna hmun lian ber chu an hloh tawh tiin a sawi bawk a.
A vaiin three-group alliance te chuan sipai hmun 422 la tawhin khaw tam tak October 27 a\angin Myanmar sipai te an chhuhsak tawh thu an sawi bawk.
Three brother alliance te chetlakna hian Myanmar ram chhungah sipaite duhlohna tihphurna nasa tak siamin khawchhak leh khawthlang lamah pawh sipaite beihna a nasa zual zel a ni.
Myanmar-ah hel pawl ten hma sawn zel
