Myanmar sipai sorkar chuan thalai mipa leh hmeichhia te chu sipai a tang vek turin thupek a chhuak a. Sipai te hian February 2021 khan civilian sorkar paihthla in thuneihna an chang a.
Mahse tun hnaiah ethnic militia te leh anti-coup fingters te nena inbeihna an neiah sipai te zawk chu an chaklo zui ta zel a ni.
Tuna sipai sorkar thuchhuah siam tharah chuan mipa kum 18-35 te leh hmeichhia kum 18-27 te chu military command hnuaiah sipai-ah kum hnih tal an tang tur a ni tih a ni.
Sipai te chuan thu chiang kimchang an la tarlang lo va. Mahs,e thuchhuah an siamah chuan junta te chuan defence ministry chuan chumi atana dan siam tur te, kalpui dan tur te, thupek leh kalpui zel dan tur a tichhuak thuai ang an ti a.
Myanmar sipai te hian tun hnaiah mualpho taka chaklohna an nei fo tawh a. Nikum kum tawp lam khan Shan State a ethnic insuregnt army pathum tangrual te chuan China nena inrina leh hmun pawimawh bera ngaih chakkhai lakna ber te chu an thuhnuaiah dahin sipai te an umchhuak tawh bawk a.
Thla kalta khan Arakan Army (AA te chuan Chin State a Paletwa leh Paletwa military post Meewa a mi te chu an thuhnuaiah an dah thu an sawi bawk a.
Sipai tena an dah Myanmar president ni mek Myint Swe chuan ssipai te chuan inbeihna thleng mek an thunun thei lo a nih chuan Myanmar chu kehchhe thei a ni tiin a sawi.
Myanmar ah hian sipaia intan tir ngei ngeina dan kum 2010 khan pawm fel a ni tawh a, mahse, a taka kalpuiin a awm lo thung. Tuna dan awmsa a neihah chuan state of emergency lai chuan sipaiah kum nga thleng tantir theih an ni ang a ti a. Sipaia tang duh lo te chu kum nga chhung lung in tantir an ni ang a ti bawk.
Myanmar-ah hian junta te chuan kum 2021 atangkhan emergency an puang tawha tun hnaiah thla ruk atan an pawtsei leh bawk a. Myanmar hi sipai sorkar hnuaiah kum 50 chuang awmin kum 2011 khan democracy kawng a zawh tan chauh a.
1 February 2021 khan sipai te chuan civilian sorkar paihthla in thuneihna an chan thu an puang leh a ni.
Civilian sorkar paihthlak atang khan Myanmar chu buaina in a khatta a, mi maktaduai chuang te chenna in chhuahsana awm pahin mi sang tam takin nunna an chanphah tawh bawk a. Ram chhung hmun hrang hrangah sipaite duh lova do na a awm thahnem hle bawk.
Myanmar-ah sipaia tan luihtirna
