Myanmar atangin kuhva lut reng Assam lamin an hre hrang ve lo – Kuhva Chingtu Pawl

Myanmar atangin kuhva lut reng
Assam lamin an hre hrang ve lo
– Kuhva Chingtu Pawl
Myanmar atangin kuhva ro leh a hring chu dan loin Mizoram kaltlangin a la lut reng a. Assam lama duty-ten an hriat hran ve loh avangin Mizorama kuhva chingtuten harsatna an la tawh phah reng tih kuhva chingtute chuan an sawi.
Mizoram Arecanut Growers Association tia pawl indin chuan Mizoram Kuhva Chingtu Pawl (MKCP) tiin hming an thlak a. An sawi danin, dan kalhin Myanmar atanga kuhva ro leh hring a luh reng avangin Assam lama duty-ah harsatna an tawk a. Ramdang kuhva hring leh Mizoram kuhva hring an hriatpawlh vek avangin kuhva kharchhawngten an lei tha ngam loa, harsatna an tawh phah tih an sawi.
‘Chhungkaw tam tak innghahna, kuhva rah lachhawngtuten an khar a hun mek laiin, kuhva hralhnaah harsatna kan tawk a. Mizorama kuhva chingtu leh mipui hi dan loa Myanmar atanga kuhva lo lut do kawngah tangrual turin kan ngen. Mizo thenkhat, ram dan kalha kuhva rah ‘smuggling’ thila inhnamhnawih lo tur leh an Mizo puiten hah taka an thawh rah tichhetu ni lo turin kan ngen bawk,’ a ti.
Dan kalha kuhva rah tawlh thinte laka khauh taka hma la tur sawrkar thar kan nei chu thlamuanthlak an tih thu MKCP hian sawiin, sawrkar pawh khauh zawka dan loa kuhva rah la lut reng do kawnga nasa lehzuala hma la turin an ngen tih a sawi a ni.