Russian President Vladimir Putin-a chuan Moscow-ah Myanmar sipai hotu, tuna president ni ta, Min Aung Hlaing-a mikhualin thil hrang hrang an sawi dun a, energy-a inremna pawh an siam.
April thlaa president a nih hnuah Min Aung Hlaing-a hian Russia hi an thenawma mi ni lo ram a tlawh hmasak ber a ni a, khawthlang ramten an nawrna nasa tak karah an inkungkaihna a thatzia tihlanna nia ngaih a ni.
An inkawm zawhah Putin-a chuan Min Aung Hlaing-a chu Russia thian leh ram pahnihte hi energy, ram venhimna leh van thengreng luhchhuahna telin kawng hrang hrangah an thawkho tih a sawi.
Putin-a chuan Myanmar ngei pawhin a ama puala a neih theihna tur telin Russia hi Myanmar nen tuialhthei thlitfimna leh hydrocarbon siam chhuah leh hai chhuahna din turin an indawr tih a sawi.
Myanmar-a Russian liquefied natural gas thawn luhna tur leh ram dang a kaltlang theih dan turte pawh an sawi dun tih a sawi.
Sipai general hlui, Min Aung Hlaing-a hi khawthlang ramten an hrek leh an ram inthlana chaka president a nih danah an sawisel nasa hle a. Inthlanah khan sipaite puih party chakin eptute tan chet ve theihna an hawng lo nia sawi a ni.
China ang bawkin Russia hian Myanmar-a sipaite a thlawp a. Moscow hian ram venhimnaa an thawhhona tilianin Russian energy company-ten Myanmar an luh theih dan turte pawh a dap.
Myanmar hi kum 2021-a sipaiten Nobel Peace Prize dawng tawh, Aung San Suu Kyi-i kaihhruai sorkar an paih thlak atanga buaiin tual chhung indona a chhuah phah.
Min Aung Hlaing-a hian an ram hruaitu ni chungin Russia hi vawi tam a tlawh tawh a. Nikum khan Kremlin-ah inbiain Russia hi sai paruk pein Russia-a sorkar nuclear power corporation-in Myanmar-a nuclear plant tenau dinna tur an siam bawk.
Myanmar President-in Russia tlawh, Putin-a nen inkawm
