Myanmar ethnic minority fighters te chuan China nena insumdawntawnna highway a khua pawimawh tak chu sipai te nena an inkahhrep hnuah an chhuhsak tak thu an puang.
Northern Shan State chu thla kalta atang khan inbeihna nasa takin atuam niin ethnic armed group intelkhawm te chuan China Yunnan province nena insumdawntawnna thununtu sipaite chu an bei a ni.
Tihian January thlaa China hmalaknaa inkahhai Arakan Army (AA), Myanmar National Democratic Alliance Army (MNDAA) leh Ta’ang National Liberation Army (TNLA) te nena siam chu bawhchhiatin a awm tihna a ni bawk.
Naungcho khua chu kan thununna hnuaiah a awm ta, tiin TNLA General Tar Bhone Kyaw chuan a sawi.
Myanmar sipaite chuan ethnic minority fighter te chuan khua pumpui deuhthaw an thunun tawh tiin an sawi bawk a. Mahse, TNLA te thupuan hnuah engmah sawi an la nei zui lo thung.
Naungcho hi British hunlaia hill station lar tak leh Myanmar sipai elite officer training academy awmna Pyin Oo Lwin atanga 50 km leka hlaa awm a ni a. Naungcho atang vek hian Shan state capital Taunggyi panna kawngpui a awm bawk.
TNLA fighter te chuan junata northeastern command awmna Lashio khawchhung an lut tawh tiin TNLA te chuan an puang bawk a.
TBNLA te chuan he khawpui bul lawka battalion command chu hun rei lo te an thunun hman a, mahse military air strike avangin an chhuahsan leh zawk a ni tiin Tar Bhone Kyaw chuan a sawi bawk.
Myanmar borderland hi ethnic armed group hrang hrang te chenna niin kum 1948 a Briatin atanga Myanmar a indan atang khan autonomy sang zawk ngiatin sipaite nena indona kalpui reng an ni.
Myanmar sipaite hnungtawlh zel
