MYC-in ‘Mission UPSC’ nei
‘Super IAS’ a kalpui tawh lo
Sawrkar hmasa lama Mizoram Youth Commission-in Mizo zinga IAS neih belh tuma ‘Super IAS’ project a kalpui chu kalpui chhunzawm a ni loa, a aiah central service/ all India Service lam hrim hrim beitute puihna ‘Mission UPSC’ a kalpui.
Thuthar thehdarhtute zawhna chhangin Mizoram Youth Commission chairman Malsawmzuala Ralte chuan, sawrkar hmasa lama ‘Super IAS’ kalpui kha sum sen a hautak deuh avangin kalpui chhunzawm a ni loa, chutihrualin, Union Public Service Commission hnuaia hna hrang hrangah Mizoram thalaite exam hmachhawn an awm ve reng avangin, an ni ho pui tur hian ‘Mission UPSC’ tiin an kalpui ta thung tih a sawi.
‘Super IAS’ atan hian kum 3/4 kalta chhung khan cheng nuai 50 vel MYC-in a lo seng hman niin zawhna a chhang a. Theih ang anga an zirchian ve na leh ‘Super IAS’ programme hnuaia kalte an zawhnaah, written lamah chuan titha viau anga sawi kan nih laiin, pawm harsa a tih thu Malsawmzuala Ralte hian a sawi.
A chhan ni zawka a ngaih sawiin, state service-a luhin hna tha, secretary thleng mahni ramchhunga thlen theihna a awm a; tih tak takna kan nei tawk loa; kan mi hmasaten tribal quota chauh ni lo, ‘general category’ atanga tling thei hial khawpa anmahnia ‘nawrtu’ awm ang kha kan nei ta lo ni bera a lan thu a sawi a ni.
MYC-in ‘Mission UPSC’ nei ‘Super IAS’ a kalpui tawh lo
