Chief minister Lalduhoma’n Mizoram Subordinate Service Selection Board (MSSSB) thiah a nih tur thu a sawi chu Mizoram Public Service Commission thuamchak emaw ruahmanna tha zawk emaw siam a nih loh chuan pawng thiah ngawt tha an tih loh thu Mizo Zirlai Pawl chuan an sawi.
MZP Gen. Hqrs. president H Lalthianghlima chuan thuthar thehdarhtute an kawmnaah hei hi sawiin, MPSC tihchakna emaw hemi ang chi body dang emaw a siam a nih loh chuan MPSC kuta MSSSB hna lak zawng zawng a dah ngawt mai tur hi tha lo an ti a. He Board thiah tum chhan leh point hrang hrang hi MZP chuan a zirchiang dawn tih a sawi.
Zawhna chhangin, MSSSB thiah tum chhan hi a that a, a thlakna tur tha an ruahman a nih chuan an pawi ti loa; chumi ni loa tunhma anga a ngai ang anga MPSC kuta a dah leh dawn a nih chuan an dodal dawn tih a sawi. MSSSB awm hmaa MPSC kuta dah vek ang chu a hna lak a muang lutuk a, an duhkhawp lo deuh tih a sawi bawk.
MZP-in MSSSB thiah tum ngawt tha a ti lo
