MZP-in Sericulture-a hna
lak dan chhuichian a ngen
Sericulture department hnuaia sericulture demonstrator post pali laknaah thil fel lo a awm nia hria in Mizo Zirlai Pawl chuan chhuichiang turin sawrkar a ngen.
MZP Gen. Hqrs thuchhuah danin, sericulture demonstrator post pali lak turah 2025 February 17 khan advertisement tihchhuah niin, level 4 pax matrix a ni. Mi 41 dilna pawm niin, mi 14 hnawl a ni. Mi 38-in kumin April 8&9 chhung khan exam beiin, mi 32 chu May 7 khan personal interview tura koh an ni. Heng mite atangin mi 4 thlan chhuah an ni a. May 8 khan appointment pekfel an ni.
Written exam-ah hian Exam Hall-ah mobile phone kenglutin paper-I (English leh GK) entawn an awm ngeiin MZP chuan a hria a. Hetianga hna lak diklo hi exam beitu thenkhatin complain mah se, kaltlangpui luih niin a sawi. Dik lo taka hna lak hi chhuichiang thuai turin Sericulture department hotute an ngen a. 2025 May 21 ralhmaa a chhuichiangtu Inquiry Committee din turin sawrkar a ngen bawk.
He hnalak hi Mizoram Direct Recruitment (Conduct of Examination) guidelines 2018 sl no.24 – Instruction to Candidate; sl. no. 27- Duties of Invigilator nen inkalhah a ngai tih MZP hian a sawi a ni.
MZP-in Sericulture-a hna lak dan chhuichian a ngen
