MZP chuan Zirtawpni khan MZP Conference Hall-ah Zirlaite Ni leh MZP din champhaphak vawi 88-na lawmna leh zirlai hruaitu pass thar te lawmpuina hun a hmang.
He hun hi Lalsangliana, education director-in khuallian niin a hmanpui a, MZP vice president C Lalremruata’n hun a kaihruai.
He huna thusawitu MZP president H Lalthianghlima chuan zirlaite chu ruihtheihthil laka fihlim turin a fuih a, “Zirlaite min tichhetu a nih avangin tih chhin loh a him ber a ni,” a ti.
Khualian chuan Zirlaite Ni pualin zirlai zawng zawngte duhsakna a hlan a, “Zirna tha kan tih hi zirna in (Institution)-ah chauh a innghat lo a. Zirlaiteah thui tak a innghat a ni,” a ti. Hlawhtlinna hi zirtute-ah a innghat thui avangin, zirlaite hlawtling tura bei nasa turin a fuih.
He hunah hian zirlai hruaitu pass thar mi 68 te lawmpuina hlan an ni a, heng zingah hian MZP General Headquarters Executive Committee Member, Hnampual Zirlai Pawl hruaitu, MZU Student Council, Students’ Bar Council leh College Students’ Union Leader-te an tel a ni.
MZP-in Zirlaite Ni hmang
