- The Colour is Yellow
MZP Inter College Basketball Tournament 2025
Govt. Aizawl College Champion
- The Colour is Yellow
August ni 1, zirtawpni zan khan Hawla Indoor Stadium, Republic Vengthlangah Inter College basketball inelna zirlaite hlut tak chu a hmawrbawkna neih a ni – Govt. Aizawl College-te chuan record nei tha zawk Hrangbana College 90-68-a hnehin, kum 12 hnuah a tum khatna’n Inter College-ah GAC hian champion nomawi an chawi a, lawmna lam an thai zui!
Tunlai Mizo basketball coach zinga champion nomawi chawi thei lawrlak te zinga mi, GAC coach Lalnunsanga (Lana) hian Mizoram Super League lamah pawh hnuhma nei tawh Kanan veng tlangval Nuna leh Saron BC shooter tha Biakmuanate bakah Ruata a chhawr tangkai hle.
Lalmama, Chawnga leh Thantluanga te hian inelna neih chhung zawngin player innghahna tham an nihzia an tarlang tawh bawk.
Lunglei player chawrno Joseph-a, Chaltlang BC player hi an college GAC tan hian langsar si lova team thahrui a ni bawk.
GAC star player Biakmuanan hun tawp dawn hnaiah HBC bench area lam panin, an hmaichhanah ngei mai a ‘bye bye’ kha intihsiakna khawvela indeuhsawhna ngeiawm ber te zinga mi a ni!
Chak ta lo zawk HBC lam hian Inter College awm hun an nghahhlelh zual phahna tur a ni bawk ang.
GAC coach Lana tan tun tum hi Inter College champion nomawi a chawi tumkhatna a ni a, final-te a team hi luhpui ve thin tawh mah se, a vanduai zawkah a tang thin.
Tun tumah hian inbuatsaihna an nei tha hle – ‘road running’ chuan a player-te fitness a chher tha a, hei hi Pathian malsawmna changa an champion chhan pakhat a ni.