MZP Gen. Hqrs hruaitute leh Aizawl khawpui chhunga college hrang hrang Students’ Union hruaitu tharte chu Nilaini khan an inkawm a. Mizo zirlaite hmasawn nan leh zirlaite issue hrang hrangah thawhho zel nise an ti.
MZP president H Lalthianghlima chuan, college SU-te chu institution pakhat chauha hruaitu an ni lo, tiin, kan ram zirna leh Mizo hnam hmasawnna leh thatna tur ngaihtuaha vei turin a sawm.
Thutkhawmah hian Mizo zirlaite chanvo scholarship a hma thei ang bera hmuh theih nan sawrkarin hma la thuai se, a tul angin MZP leh Students’ Union ten hma la ho zel se, tih an pawm a. Mizoram zirna leh kan hnamin hma a sawn theih nan lungrual taka thawhho zel nise, an ti.
Aizawla college/ institution – Pachhunga University College, Govt. Hrangbana College, Govt. Aizawl College, Govt. Aizawl North College, Govt. Zirtiri Residential Science College, Govt T Romana College, Govt Johnson College, Govt. J. Thankima College, Women’s Polytechnic Aizawl leh NIELIT Aizawl Students’ Union hruaitute an tel a ni.
MZP leh college SU thawhho zel tum
