Tunhnaia Aizawl Municipal Coorporation hnuaia hna lak danah dik lo awm nia sawia hma la zuitu Mizo Zirlai Pawl duhdan angin hna lak tawh hi sut leh a ni.
MZP Gen. Hqrs. thuchhuak chuan, kumin March 12 khan Aizawl Municipal Coorporation (AMC) hnuaiah geologist 3 leh Urban Animal Husbandry & Veterinary officer, junior engineer leh asst account officer pakhat theuh lak danah dan kalha thiltih a awm nia hria in, dan anga advertisment chhuah a nih loh bakah state sawrkar phalna an lak hriat a ni loa, danin a sawi angin MPSC emaw MSSSB kaltlanga lak a ni lo bawk, tiin, heng hnalak March 15 ralhmaa sut turin AMC hotute a lo ngen tawh a ni.
MZP ngenna leh duhdan angin March 15-a AMC Executive Council thukhawm chuan hnalak hrang hrang hi a sut (revoke) a. March 18 khan sutna lehkha (order) hi tihchhuah a ni ta tih a sawi a ni.
‘Kan ngenna ngaipawimawha AMC-in an hnuaia hna lak post 6 a cancel hi lawmawm kan ti a. Mizoramah eng hna pawh dan ang zela lak a nih a, a thiam leh tling apiang lak an nih hi kan duhdan a ni,’ thuchhuah hian a ti a. MZP chuan hna lak hrang hrangte uluk takin a enzui zel dawn tih a sawi a ni.
MZP ngen angin AMC hna lak sut
