Mizoram University leh Royal Society of Chemistry tangdun chuan class 11 zirlaite tan ni thum awh tur Residential Chemistry Camp a buatsaih a. Sawrkar school thlan bik atangin mipa leh hmeichhia pahnih ve ve theuh thlan niin, he camp hian November 29 thleng a awh dawn a ni.
Camp hi MZU vice chancellor Prof. Dibakar Chandra Deka chuan a hawng a, MZU registrar Prof. Lalnundanga’n a telpui bawk. Royal Society of Chemistry aiawhin Dr Mellisa Mendorya chuan a telpui bawk.
Chemistry Camp hi zirlaiten chemistry chu enge a nih tih hriatzauna atan leh a pawimawh zia an hriat thar theihnana buatsaih niin, experiment chi hrang hrang tihpui an nih dawn bakah an experiment tih atangin zawhna awmte chhan a ni a. Camping an ei in leh riahna thlengin MZU leh Royal Society of Chemistry hian a tumsak a ni.
MZU-ah Chemistry Camp
