Mizoram University chuan Thawhtanni khan an campus Tanhrilah Convocation vawi 18-na an hmang a. Vice president of India Jagdeep Dhankar chuan hmanpuiin, MZU chief rector, larsap Dr Hari Babu Kambhampati, chief minister Lalduhoma leh Prof Prakash Bartunia te an tel bawk.
Vice president chuan zirlaite chu kumtluana an hahpui, rim taka lehkha zira an sualchhuah degree tha tak tak an nei thar chu a lawmpui tih a sawi a. Mizoram ami zirlaite chu midangte aia tang zawk tura chahin, an hmaah tih tur bawhzui tur tam takin a nghak tih a sawi. Act East India hnuaia hmalakna hrang hrang a tahtawla tihhlawhtlin mek a ni, tiin, “Hengah hian thawh tur tam tak a awm dawn a. Tourism sector-ah phei chuan thawh tur a tam hle,” a ti.
Thalaiten India ram hmasawn leh than nasat lai taka an vanglai an hmang chu vannei a tih thu Jagdeep Dhankar hian a sawi a. Kum 2047 a thlen chuan India ram chu khawvel ram zingah hausa leh changkanga hlankai tum a nih angin, hemi atan hian Mizoram thalaite chu a thawhhlawk ber zingah tel tum turin a chah.
Convocation-ah hian degree, gold medal leh lawmman dawngtute zinga thlanchhuahten India vice president kut atangin an degree leh medal an dawng a ni.
MZU 18th Convocation-a degree la zat:
# Doctor of Philosophy – 110
# Master’s degree – 518
# Master’s professional – 141
Bachelor’s degree with professional
# Courses – 271
# Gold medalist – 56
# Book Prize – 7
Convocvation-a degree la kher lo – 6876
Degrees la zawng zawng – 7980