Mizoram University vice chancellor thar thlan turah danin a phal chin lak an nih ngei theih nan hma la turin MZU visitor, India President hnenah Mizo Zirlai Pawl chuan ziakin ngenna a thlen.
MZP Gen. Hqrs. chuan Mizoram University vice chancellor Prof. KRS Sambasiva Rao chuan a term hmang zoin 2022 November khan MZU a chhuahsan tawh a. A hmun ruak hi Prof. Pravakar Rath chuan acting vice chancellor niin a luah mek a. Vice chancellor diltu tam tak an awm tih hriat a nih thu a sawi.
Mizorama zirna in sang ber Mizoram University-a hotu lu ber, vice chancellor thlan kawngah hian Central University Act 2009-in a sawi anga, vice chancellor nih theih hun chhung kum 5 ni tawhte thlang nawn tawh lo turin India President leh MZU visitor ni bawk Droupadi Murmu chu MZP hian a ngen a. Ngenna lehkha hi Mizoram larsap kaltlanga pek niin, larsap hi a zin lai a nih avangin a aiawhin Governor to Secretary-in a lo dawng a ni.
MZU vice chancellor thlan turah MZP-in ngenna thlen
![](https://theaizawlpost.org/wp-content/uploads/2023/02/mzp-1.jpg)