Mizo A Aw B… ah ‘Ng’ awm mekna ‘H’ hma atangin ‘N’ hnung chiaha dah rel a ni.
Mizo Language Development Board (MLDB) chuan Ningani khan “Mizo A Aw B siamrem leh a kaihhnawiha inrawnkhawm” a buatsaih a. Aizawl khawpui chhung leh pawna kohhran hrang hrang hruaitu, kohhran hrang hrang Publication Board, Bible zirna college ho, Bible Society of India, NGO – Central YMA, MHIP leh MUP, MILTTA, Mizo Academy of Letters, Mizo Writers Association, Mizo Grammar Society, Padma Shri awardee ho, prominent writers, heti lam kaihhnawih sawrkar department (SCERT, Art & Culture, MBSE adt) leh Aizawla university leh college-a Mizo subject zirtirtute an tel.
Inrawnkhawmnaah hian – Mizo A Aw B a ‘Ng’ awmna sawn chungchangah hawrawp belh emaw hawrawp paih emaw neih tul an ti loa, ‘Ng’ chu ‘H’ hmaah niloin ‘N’ hnungah awm se, school zirlaibu chhut thar leh hunah pawh hman nghal nise, an ti.
Mizo A Aw B a ‘G’ leh ‘J’ lam rik dan chu sawiho a ni a, chiang lehzuala zir leh phawt nise an ti. Mizo A Aw B a ‘G’, ‘J’ leh ‘O’ atanga intan thumal, a lem nena pre-primary leh pawl 1 zirlaia chart-a dah dan tur sawiho a nih hnu ah pawm tlan a ni.
Heng an thurel hi MLDB Governing Body thutkhawm remchan hmasa berah chhawpchhuah a ni ang.
‘N’ hnunga ‘Ng’ dah an rel
