Nagaland cabinet in Assam nena ramri chinfel thuah PM hmuh tum

Nagaland cabinet in Assam nena ramri chinfel thuah PM hmuh tum
Nagaland dy. chief minister Y Patton chuan Nagaland sorkar chuan prime minister Narendra Modi leh union home minister Amit Shah bakah Assam chief minister Himanta Biswa Sarma chu Assam nena an inrina chinfel thuai a nih theih nan hmuh an tum thu a sawi.
Patton hian Mokokchung district a Tuli khua a tlawhnaah he thu hi sawiin, he lai bawr vel hi Assam nena ramri chungchanga an lo intihbuai fo tawhna a ni a, chinfel vat dan kawng sorkar in a ngaihtuan thu a sawi a ni.
Nagaland dy. chief minister chuan ramri hnaih khuate chu state danga an awm an phal ngai dawn lo tih hrilhin, an awmna lai chu ram leilung fate ta ngei a ni thu a sawi a, kan ta chu kan chuh na zel dawn, a ti bawk.
Patton hian Assam chu a ramri chin zauh zelah leh ramri chinfel tum duh lohah puhin, Assam chief minister pawh hmuh thuai an tum thu leh cabinet in a rel thlap tawh a nih thu a sawi a, primes minister leh union home minister hnenah pawh na taka an sawi tur thu a sawi.