North East Frontier Railways (NFR) general manager of Construction Arun Kumar Chaudhary chuan Ningani khan chief minister Lalduhoma a hmu a. Bairabi leh Sairang inkara rel kawng hna thawh mek a sawipui.
Chief minister chuan rel station kalpawhna kawng a ranglama sial tura state sawrkarin hma a lak tur thu a lo hrilh a. Hmabak an neih hrang hrang a zawt bawk. Rel a service theih hunah Mizo thalaite tana hna engemawzat a awm theih a beisei tih a lo hrilh a ni.
NFR general manager hian, 2025 July 31 hmain an hna zawh hman an tum a. Engemaw harsatna danglam bik a thleng a nih loh chuan an zo hman ngeiin an ring tih a sawi. Lei sang tak tak a awm nual a, chuta tanga hawi vel chuan a mawi em em vek tih sawiin, he rel kawng hian transportation lama awlsamna bakah khualzin a hip nasain an ring tih a sawi a ni.
Nakum July-ah rel kawng zawh tum
