National Girl Child Day – 2024 denchhenin district puma hman tur Beti Bachao Beti Padhao (BBBP) Scheme chu Thawhlehni khan Social Welfare, Tribal Affairs, Women & Child Development minister Lalrinpuii chuan a tlangzarh.
BBBP thiltum ber hmeichhe naupang humhalh leh chawikan a nih angin department mi leh sate chu theihtawp chhuah turin minister hian a chah a. Nausen laia mipa nge hmeichhia tih hriat tuma thil tih chu dan kalh tlat a ni tih hria a, eng mi pawh piang se, kan fate chu thliar lo turin mitin a chah. Mizo hmeichhiaten dinhmun sang tak tak an chelh theih zelna atana tan lak a pawimawh thu leh infiamna lama hmeichhiaten hma an sawn zel a, hlawhtlinna an chan zel theih nan anmahni enkawltu nu leh paten an fanute an enkawl dan leh an zirtir dan a pawimawh a, tawngkam hman pawh fimkhur a ngai tih a sawi a ni.
Women & Child Development hotute sawi danin, National Girld Child Day hi kumtin January 24-a hman thin a ni a, kuminah pawh Ministry of Women & Child Development kaihhruaiin hmeichhe naupangte ni pual hi a hapta in, January 19- 25 chhung hman a ni dawn. He ni denchhen hian programme hrang hrang hman thin niin, kuminah chuan thingphun, signature campaign leh pa leh fanu thlalak intihsiak buatsaih a ni a. Hmeichhe naupang zirna leh kawng danga mihmingthate chawimawina leh hmeichhe naupangte ni, January 24-a Mizoram puma sawrkar damdawi ina hmeichhe naupiangte lawmpuina thilpek neih tum a ni bawk.
BBBP scheme hian a tum ber chu, sex ratio tih that a, hmeichhe nau piang tihpun a ni.
National Girl Child Day hmang
